Ang Pagbitaw
Para sa akin ang sparring o bitaw ay isang maganda at natural na ehersisyo. Ang totoo ito lang ang tanging training na kung saan malayang ginagawa ng manok ang kanilang gagawin sa aktwal na laban.
Kung ang Pinoy Big Brother ay isang “reality show”, ang sparring ay isang “reality practice”.
Kaya lang dapat ding mag-iingat sa pagbibitaw. Dahil talagang magbubugbugan ang dalawang manok kapag ibinibitaw, kaya maaaring masaktan ang alin man sa kanila.
Ibinibitaw ko ang aking mga panabong isang beses sa isang lingo. Sa pagbibitaw ay binibigyang halaga ko ang paigtingin ang liksi at kakayahan ng manok na ilagay sa isip ang laban.
Dapat ang isip ng manok naka-focus sa laban. Kung hindi, madali ito patamaan at malamang mauunahan. Ang manok na walang focus ay mahina rin sa cutting at mahirap makapatay.
Ganito ang ginagawa ko sa pagbibitaw:
Sa unang round ay binibitaw ko ang dalawang manok sa layo na apat na talampakan lang o four feet. Agad magpapaluan ang dalawang manok. Hanggang dalawang hatawan lang at pinaghihiwalay na namin.
Pagkatapos ay binibitaw naming agad ang dalawa para sa ikalawang round. Sa ikalawang pagkakataon ay malayo na ang distansya. Hinahayaan naming silang magpaluan ng 6 hanggang 8 beses bago paghihiwalayin.
Ngunit tandaan na agad paghiwalayin ang mga manok pag isa sa kanila ay makakapag-billhold.
Members may get free e-book "Manwal sa Pagpili at Pagkundisyon" and the other free e-books. Just contact us and state the title of the book, your name, and MIN number. Not yet a member? Be a member Register Now.
